မက်ဆေ့ခ်ျပေးပို့ငွေလွှဲနိုင်မည့် ၀န်ဆောင်မှု
မိုဘိုင်းဖုန်းအသုံးပြုသူအချင်းချင်း မက်ဆေ့ခ်ျပေးပို့ငွေလွှဲနိုင်မည့် ၀န်ဆောင်မှုကို ကျပ် ၁၅၀၀ တန် CDMA 800 (MECTel) ဖုန်းများတွင် စတင်လုပ်ဆောင်နိုင်ပြီဟု သြဂုတ် ၈ ရက်က SMS ပေးပို့ခဲ့ကြောင်း အသုံးပြု သူများထံမှ သတင်းရရှိ သည်။
အဆိုပါ ၀န်ဆောင်မှုကို မြန်မာ့စီးပွားရေးကော်ပိုရေရှင်း (MEC) နှင့် Myanmar Mobile Money တို့ ပူးပေါင်းဆောင်ရွက်ခြင်းဖြစ်သည်။ Myanmar Mobile Money ၏ ၀န်ဆောင်မှုကို အသုံးပြုလိုပါက SMS နံပါတ် ၁၆၆၆ သို့ ‘join’ ဟူသော စာသားပေးပို့ရမည်ဖြစ်ပြီး ၁၆၆၆ မှ အသုံးပြုနိုင်ပြီဖြစ်ကြောင်း SMS ဖြင့် ပြန်လည်အကြောင်းကြားမည်ဖြစ်သည်။
‘‘ငွေလွှဲမယ့်သူရဲ့ ဖုန်းနံပါတ် ကို သိရုံနဲ့ ငွေပမာဏကို SMS ပို့ ပေးပြီး လွှဲလိုက်ရုံပါပဲ။ လက်ခံမယ့်လူက ဒီဝန်ဆောင်မှုကို အသုံးပြုမထားဘူးဆိုရင်တောင် သက်ဆိုင်ရာမြို့နယ်က အေးဂျင့်တွေဆီမှာ သွားပြီး ထုတ်လို့ရပါတယ်’’ ဟု Myanmar Mobile Money မှ လုပ်ငန်းတာဝန်ခံတစ်ဦးကပြောသည်။ ငွေလွှဲခ အနေဖြင့် ကျပ်တစ်ထောင်မှ ငါးသောင်းအထိကို ၈၀ ကျပ်၊ ကျပ်ငါးသောင်းမှ တစ်သိန်းအထိကို ၁၂၀ ကျပ်၊ ကျပ်တစ်သိန်းမှ နှစ်သိန်းအထိကို ၁၆၀ ကျပ်သာ ကျသင့်မည်ဖြစ်သည်။
Myanmar Mobile Money ၀န်ဆောင်မှုဖြင့် မိုဘိုင်းဖုန်းမှတစ်ဆင့် ငွေသွင်းခြင်း၊ ငွေထုတ်ခြင်း၊ တစ်ဦးနှင့် တစ်ဦး ငွေလွှဲခြင်း၊ လစာပေးခြင်း၊ ဈေးဝယ်ခြင်း၊ ဖုန်းပြောခကိုယ်တိုင် ဖြည့်သွင်းခြင်း၊ အခြားသူမှ ဖုန်းပြော ခဖြည့်ပေးခြင်း၊ အသေးစားချေးငွေလုပ်ငန်းများအတွက် အထောက်အကူပြုခြင်းစသည့် ၀န်ဆောင်မှုများကို လည်း ဆောင်ရွက်နိုင်မည်ဖြစ်သည်။ ယခုဝန်ဆောင်မှုကို CDMA 800 ဖုန်းများအပြင် အခြား GSM နှင့် WCDMA ဖုန်းများတွင်လည်း အသုံးပြုနိုင်တော့မည်ဟု သိရသည်။
Credit 7days New Journal
0 comments:
Post a Comment